வெற்றிமாறன் இயக்கத்தில் விஜய்சேதுபதி நடிக்கும் ‘விடுதலை’
அடுத்த பாய்ச்சலுக்கு கைகோர்த்து களமிறங்கியுள்ளனர் இயக்குனர் வெற்றிமாறனும் நாயகன் விஜய்சேதுபதியும். தேசிய விருதுபெற்ற இயக்குநர் வெற்றிமாறன் தற்போது விஜய் சேதுபதி - சூரியை வைத்து இயக்கி வரும் புதிய படத்துக்கு ‘விடுதலை’ என பெயரிட்டுள்ளார். சத்தியமங்கலம் காட்டுக்குள் தொடங்கிய இப்படத்தின் படப்பிடிப்பு தற்போது சென்னையின் புறநகர் பகுதியில் நடைபெற்றுவருகிறது.
எப்போதும் நாவல்களை படமாக்குவதில் ஆர்வம் கொண்ட இயக்குநர் வெற்றிமாறன் இம்முறை சிறுகதையைத் தேர்ந்தெடுத்துள்ளார். எழுத்தாளர் ஜெயமோகன் எழுதி, 1992-ம் ஆண்டு ஆனந்த விகடனில் வெளியான 'துணைவன்' சிறுகதையை அடிப்படையாகக்கொண்டே இப்படம் எடுக்கப்படுகிறது.
எல்ரெட் குமார் தயாரிக்கும் இப்படத்தின் போட்டோஷூட் நிறைவடைந்துவிட்டது. வெகுவிரைவில் இப்படத்தின் டைட்டில் அதிகாரப்பூர்வமாக அறிவிக்கப்பட இருக்கிறது. இப்படத்துக்கு இசைஞானி இளையராஜா இசையமைத்திருக்கிறார்.
வெற்றிமாறன் இயக்கி தேசிய விருது உள்பட பல்வேறு விருதுகள் வென்ற 'விசாரணை' படம்போன்று போலீஸ் கதையான இப்படத்துக்கு 'விடுதலை' எனப்பெயரிட்டுள்ளார் வெற்றிமாறன். ஏற்கனவே ’விடுதலை’ தலைப்பில் ரஜினி நடித்த படாம் 1986 ஆண்டு வெளிவந்தது குறிப்பிடத்தக்கது.
