புதுவையில் ரங்கசாமியை தோற்கடித்த இளைஞர்
30 தொகுதிகளைக் கொண்ட புதுச்சேரி மாநில சட்டசபைத் தேர்தலில் பா.ஜ.கவின் தேசிய ஜனநாயகக் கூட்டணியில் என்.ஆர்.காங்கிரஸ் 16 தொகுதிகளிலும், பா.ஜ.க 9 தொகுதிகளிலும், அ.தி.மு.க 5 தொகுதிகளிலும் போட்டியிட்டன. அதேபோல காங்கிரஸ் கட்சியின் மதச்சார்பற்ற முற்போக்கு கூட்டணியில் காங்கிரஸ் 15 தொகுதிகளிலும், தி.மு.க 13 தொகுதிகளிலும், வி.சி.க மற்றும் இந்திய கம்யூனிஸ்ட் கட்சிகள் தலா ஒரு தொகுதியிலும் போட்டியிட்டன.
இதற்கான வாக்கு எண்ணிக்கை புதுச்சேரி மோதிலால் நேரு பாலிடெக்னிக் கல்லூரி மற்றும் தாகூர் கலைக்கல்லூரியிலும் நடைபெற்றது. அதேபோல காரைக்கால், மாஹே, ஏனாம் உள்ளிட்ட பிராந்தியங்களின் 7 தொகுதிகளுக்கான வாக்கு எண்ணிக்கை அந்ததந்தப் பகுதிகளில் நடைபெற்றது. மூன்று கட்டங்களாக நடைபெற்ற இந்த வாக்கு எண்ணிக்கை நள்ளிரவு 12.30 வரை நீடித்தது. 16 தொகுதிகளில் போட்டியிட்ட என்.ஆர்.காங்கிரஸ் 10 தொகுதிகளில் வெற்றிபெற்றது.
